Kini human sila nanghawod sa tagsa-tagsa nila ka mga kategoriya sa gipahigayon RP qualifying tournament niadtong Martes sa gabii diha sa University of San Carlos-South Campus Cultural Center .
Si Cortuna nakapasar sa discriminating taste sa panel of judges ug gipasidunggan kini isip best in the short class.
Wala sab magpabitin si Jackie Jumao-as sa Lapu-Lapu, nga napili sab kini isip Miss Fitnessk, samtang sila si Karen Ann Sicon sa Bacolod City ug Josephine Malilay sa Lapu-Lapu, nga mipuwesto sa ikaduha ug ikatulo nga mga dapit.
Laing duha ka Cebuanos nga sila si Josephine Sevilla ug Richard Amarado makapahimulos sa libreng biyahi lukop nasud human sa ilang malampusong pagdaog sa mixed pair category.
Ang tandem nila ni Sevilla ug Amarados mipakita sa ilang hustong porma ug balanse nga maoy nakadani sa mga hurado ug nakapadaog kanila batok sa laing Sugbuanon nga sila si Sylvia Bajo ug Glenn Centeno ug Claudine Melgazo ug Eddie Mugar sa Koronadal nga nipahiluna sa ikatulong dapit.