Nanguna si Reynante sa massed start at individual time trials na magkasabay ginanap sa taunang Pista ng Pag-ibig event ni Tagaytay City mayor Bambol Tolentino. Naka-ipon si Reynante ng 40 puntos habang ang pumapangalawa namang si Espiritu ay may naisubing 37 puntos.
Ang iba pang nasa top ten na nakakalapit sa national pool ay sina Lito Atilano (29 points), Baler Ravina (29), Arnel Quirimit (29), Ronnel Hualda (29), Dessi Hardin (17), Ericson Obosa (15) at Sherwin Diamsay (15).
Habang wala naman sa listahan sina dating tour champions Santy Barnachea at Warren Davadilla. Ang dalawa ay kasalukuyang iniimbestigahan sa hindi nila pagsipot sa trials at kapag napatunayang nagkasala hindi sila makakakuha ng lisensiya sa UCI sa loob ng tatlong buwan at hindi makakasali sa anumang PhilCycling-sanctioned race.
Ipinapatupad ng PhilCycling sa pamumuno ni Bert Lina, ang four-a-year trials para sa pagpili sa road, track at mountain bike national pool members.