3 Cebuano netters sugod na'g kampanya

Tulo ka Cebuano netters ang mag-ilog sa labing taas nga dungog sa 2007 Andrada Cup karong adlawa didto sa Rizal Memorial Complex tennis courts sa kaulohan.

Ang tulo nga nanimpad nga makailog sa korona mao sila si Francis Largo, Jacob Lagman ug Vince Marc Tabotabo.

Ang tulo ka Sugbuanon mobanat sa nagkalain-laing kategoriya diin si Largo moduwa ubos sa boys 18, si Lagman sa boys 12 ug si Tabotabo sa unisex 10-under category.