Ayon kay head coach Ca-loy Garcia, ang hindi paglalaro ng 24-anyos na si Eman sa una nilang limang laro sa 2006 PBL Silver Cup ang nagpapa-lambot sa depensa ng Super Sealers, lalo na sa shaded lane.
"With Eman around, we have now a legitimate center," ani Garcia sa tubong Davao City. "Kahit limited muna ang oras niya sa loob, tiyak na ma-kakatulong siya ng malaki sa team."
Posible pang hindi makita sa aksyon si Eman, hindi nakapasa sa 2006 PBA Draft dahilan sa kanyang problema sa dokumento, para sa kan-yang unang laro, dagdag pa ni Garcia.
Sasagupain ng Sista ang Cebuana Lhuillier ngayong alas-2:00 ng hapon bago ang upakan ng TeleTech at Mag-nolia Dairy Ice Cream sa alas-4 sa Olivarez Sports Center sa Parañaque.
Hawak pa rin ng Hapee-PCU Teethmasters ang pa-ngunguna mula sa kanilang 5-0 rekord kasunod ang Super Sealers (3-2), Moneymen (2-2), Harbour Centre Port Mas-ters (2-2), Titans (2-2), Mail & More Comets (2-2), Toyota Otis Sparks (2-2), Spinners (1-3) at Kettle Korn-UST Pop Kings (0-5).
Nanggaling ang Sista sa 58-65 pagkatalo Mail & More, samantalang nagmula naman ang Cebuana Lhuillier sa 61-68 kabiguan sa TeleTech.
Muling aasahan ng Super Sealers sina Marcy Arellano, Kelvin Gregorio, Gilbert Mala-banan, Jam Alfad at Eder Sal-dua katapat sina Ken Bono, Doug Kramer, Macky Escalo-na, Erick Dela Cuesta at Mark Abadia ng Moneymen. (Russell Cadayona)