"Nietes is the most underrated ALA boxer but has a world class potential. You will see another rising star when Nietes fights Indonesian champion Heri Amol because it is evenly match-up," matud pa ni international promoter Sammy Gello-ani.
Sukad siya nahimong pro niadtong tuig 2003, si Nietes mikolekta og impresibong rekord nga 18 ka daog, napulo niini pinaagi sa knockout, usa ka pilde ug tulo ka tabla.
Mao kini ang hinungdan nganong nahitala siya isip No. 1 sa Pilipinas ug sa WBO Asia-Pacific ratings ug ingon man No. 5 sa IBF.
Naglangkob sa mga prominenteng biktima ni Nietes mao sila si IBF-rated Julius Alcos, Roberto Rubillar, Indonesian champion Martii Poli, Ricardo Albia ug Elmer Muyco.
Gawas ni Nietes, mopakita sab sa ilang abilidad ang bag-ong sulbong nga mga bitoon sa ALA Stable nga sila si Milan 'Milenyo' Melindo ug Along Denoy.
Si Milendo makigharong ni Rommel Bongon sa Manila, samtang ang garbo sa Bohol nga si Denoy makigpinaksitay ni Aljun Salogaol sa Jaca stable sa laing 10 ka hugna nga kumbati.
Ang mga tiket mapalit na karon sa ALA Fight Club sa Banilad Town Center ug sa USA Sports outlets sa SM ug Ayala. Nagkantidad kini og P500 sa VIP/Sponsor, P300 sa ringside, P200 sa lower seat ug P100 sa general admission.