G&S, Sta. Teresita nagsawo sa liderato

Ang G&S International milansang sa ilang ikaduhang sunod-sunod nga doag sa 2nd Cebu Sports Association (CSA) Invitational Basketball Tournament human gilubong ang first conference champion Risen Saviour Bible Baptist Church (RSBBC) sa iskor nga 65-50 sa niadtong Martes sa gabii diha sa Bible Baptist Church gymnasium sa barangay Labangon, ning siyudad.

Sa una nilang pagpakita og labok, ang G&S midaog sa pinaagi sa paglubong sa Interface Computer College, 78-59.

Sa maong kadaugan, ang G&S temporaryo karong nag-una sa liderato uban sa Sta. Teresita Village Basketball Association-Adger sa managsamang baraha nga 2-0.

Samtang ang biktima niining RSBBC maoy nahimutang sa kinailawmang bahin nga wala pa makatilaw og daog sa duha ka mga duwa.

Sa laing bahin, ang Sta. Teresita nikulit sa ilang ikaduhang daog pinaagi usab sa paglubong sa Kalubihan Dragons, 57-37. Mga iskor

Unang duwa:

G & S International (65) - Celestial 16, Cortez 14, Reyes 12, Araraw 10, Jacalan 6, Abellana 2, Tesorero 2, De la Cruz 2, Unahana 1

Bible Baptist (50) - Monera 11, E. Galon 9, Biernesa 9, Go 7, J. Galon 6, Berong 5, Manukil 3, Almario 2

Ikaduhang duwa:

Sta.Teresita (59) - Savalia (24), Aliza (12), Singson (11), Gonzales (4), Loyswa (2), De la Cruz 2, Franki 2

Kalubihan Dragons (39) - Anoling 13, Romano 8, Cabalida 7, Galan 6, Aradillos 5