Colong nisakmit duha ka runners up trophies

Ang Sugbuanong si Bert Colong nisakmit og duha ka first-runners up trophies nga nakaluwas sa five-man Cebuano squad sa bag-o lang natapos nga Philippine Masters Darts Tournament didto sa Cozy Nook Restaurant sa Baguio City.

Si Colong, kinsa sakop sa Cebu City Hall Darts Association, nidaog sa second place honors sa classified doubles event uban ni Ricky Santiago sa Manila.

Una kining higayon ni Colong nga nakigduwa ni Santiago.

Sa classified 3-man team competition, giangkon sab ni Colong ang silver uban ni Zaldy Reyes sa Baguio ug ni Joseph Aquiles sa Manila.

Uban ni Colong sa maong event mao sila si Roy Laude, Winnie Ocañada, Angelito Badayos ug Reynaldo Santiago.

"First time nga taga Cebu naka-lusot ani nga event sa Luzon. They were surprise nga taga Cebu niabot didto and naka daog pa gyud," matud pa ni Colong sa The Freeman, ang igsuong mantalaan sa Banat News.