Tumapos si Fernan-dez ng 24-puntos kabilang ang anim na triples ha-bang nagsumite naman si Asoro ng 21 para sa Bulldogs na nagtala ng season-high na 13 triples tungo sa ikalawang pa-nalo ng National matapos ang limang pakikipagla-ban.
Ngunit hindi naging magaan ang panalo ng Bulldogs kahit na uma-bante sila ng 27-puntos sa ikatlong quarter, dahil nakagawa ng malaking opensiba ang UST Tigers.
Isang 16-0 run ang pinakawalan ng Uste na naglapit ng iskor sa 81-92 papasok sa huling 2:34 minuto ng labanan ngunit hindi nasustinihan ng Tigers ang kanilang pananalasa sanhi ng kanilang ikalawang talo sa apat na laro na sumira ng kanilang back-to-back wins.
Pinangunahan ni Jojo Duncil ang Tigers sa kanyang 21 puntos ngunit napatalsik ito sa court, may 59 segundo ang nalalabing oras sa laro bunga ng kanyang dis-qualifying foul dahil sa panghe-head-butt kay Dave Catamora.
Samantala, nakopo ng Ateneo Blue Eaglets ang solong liderato sa juniors division matapos ang 88-83 panalo laban sa FEU Baby Tams, nanalo ang UST Tigers Cubs 108-71 laban sa NU Bullpups, habang naitakas naman ng Adamson Baby Falcons ang 63-60 panalo laban sa UP Integrated School.