Inorganisa ng ESPN Star Sports, Guangdong TV at China Billiards & Snooker Association, dadalhin ng San Miguel Asian 9-Ball tour ang kapana-panabik na aksiyon sa 9-ball para magpakitanggilas ng kanilang de kalidad na kakayahan sa harap ng mga Intsik sa ‘City of flowers’.
Kakatawanin nina 2006 Ho Chi Minh leg champion Efren ‘Bata’ Reyes at Francisco ‘Django’ Bustamante ang Philippines habang ang Chinese contingent ay kakatawanin nina Ho Chi Minh leg runner-up Li He Wen at national team coach, Xu Meng. Bilang dagdag na kasiyahan lalaban din si National Women’s Champion Pan Xiao Ting ng China sa torneo.
Kukumpleto sa listahan ng exhibition match ay ang defending World Pool Champion na si Wu Chia-Ching ng Chinese Taipei.
Isasaere ng Star Sports ang exhibition tournament sa July 23 sa ganap na alas-7 ng gabi (Manila time).