Babaeng naanakan ni Pacman manood kaya ng laban?

Pinag-iisipan daw ni Jonah Bacosa kung siya ay manonood ng laban ni Manny Pacquiao sa Linggo.

Malaking katanungan pa kung manonood siya kasama ang kanyang anak na si Emmanuel Pacquiao Jr.

May nagbigay daw sa kanila kasi ng 3 ringside tickets.

Natatakot daw siyang manood at baka siya ang pagka-guluhan ng mga intrigero at magulo pa pati laban ni Manny.

Baka daw sa bahay na lang sila manood.

Kung ako kay Jonah, ipagbibili ko na lang ang 3 tickets na hawak niya.

Lagpas din sa P100,000 yun kapag nabili ng scalper.

* * *

Walang live na ASAP sa Linggo sa Channel 2. Pre-empted nga ito in anticipation sa laban ni Manny.

Ang ginawa naman ng SOP, wala rin silang live.

Replay din sila.

Alam kasi nilang maraming Pinoy ang tututok sa ABS CBN sa araw na yon.

Yan ay kung humaba ang laban ni Manny at Larios.

Eh paano nga naman kung may bumagsak na agad sa first round.

Maagang matatapos din ang coverage.

* * *

Nakupo, umasa na kayo na maraming papapel na politiko sa laban na ito ni Manny.

Ubos na ang tickets sa special ringside at VIP tickets kahit na ito ang pinakamahal.

Ibig sabihin lang niyan, marami na naman ang nag-nanais na makisakay kay Manny.

Yan ay kung mananalo si Manny.

* * *

As of three days ago, may halos 4000 tickets pa sa upper box na hindi pa nabebenta.

Sa baba ay may iilan-ilan pa ring natitira.

Ewan kung mabebenta ang mga tickets na yan within the next few days.

Sobrang mamahal naman kasi eh...

* * *

Hindi naging blockbuster ang film-bio ni Manny kung saan ang gumanap ay si Jericho Rosales.

Very disappointing daw ang box-office results nito.

Sayang.

Dito sa Pilipinas talaga, ang mga pelikula ng mga buhay ng boksingero, hindi talaga kumikita.

Bakit kaya?

* * *

Nanganak na si Joy Cortez, ang asawa ni Mike Cortez.

Ang pangalan ng kanilang baby ay Michael Cortez.

Kaya pala inspiradong maglaro ngayon si Mike.

Congratulations!