Si Alde Desosa, sa Labogon, Mandaue City, kansang abilidad gibaid sa ALA Boxing Gym sa sportsman Antonio L. Aldeguer, mitunol og bulawang medalya alang sa Tagbilaran City.
Ang 17-anyos nga si Desosa midaog sa junior level's lightwelterweight category batok ni Arvin Ferrera sa Olongapo.
Si Desosa, kinsa wala pa gyud makasuway og away sa lokal nga mga kompetisyon, midispatsar ni Ferrera sud lamang sa 35 segundos sa unang hugna tungod sa Referee-Stop-Contest (RSC) decision.
Ang kadaugan igo na kaayo ni Desosa nga nakapasugat sa mga mata sa coach staff sa national team.
Sa laing bahin, si Wilson Haya sa Bukidnon, apan diha kini nag-ensayo sa ALA gym, nakakuha og silver ubos sa 57 kgs.
Laing Sugbuanon nga si Marjo Borres mitapos sa iyang pakigbisog bitbit ang bronze medal.
Si Marjun Yap sa Bukidnon mitapos sab sa maong away uban ang bronze medal nga maoy naghatag sa Tagbilaran og usa ka gold, usa ka silver ug usa usab ka bronze nga igo na kaayo kanila pagpahimutang sa ikaduhang dapit sa overall standing.