Ang torneyo sugdan pinaagi sa hamubo nga programa uban ang mga opisyal sa Cebu Chamber of Commerce and Industry (CCCI), nga ubos sa liderato ni president Francis Monera, Cebu Business Month's chairman Wilson Ng, Cebu City Councilor Sylvan 'Jack' Jakosalem, San Miguel Corporation Corporate Officer, Girlie Garces ug CBM sponsors nga gilaumang mohatag og dugang bulok sa maong kalihukan.
Ang torneyo mosunod dayon inig human sa seremonyas.
Ang duha ka adlaw nga kumbati gibahin sa upat ka kategoriya, ang open, men's doubles, ladies ug ingon man mixed doubles.
Ang partisipante bahinon sa lima ka level, A, B, C, D ug E.
Ang makampiyon sa premiere open category/level A makabitbit og P5,000 ug tropeyo, samtang ang second placer makadawat og P3,000 ug medalya.
Sa laing bahin, ang top players sa level B, C, D ug E makadawat og brand new rackets ug trophies, samtang ang runners-up hatagan og gift certificates ug medals.