BJ Star, Ho Tong nikulit unang daog

Ang BJ Star Logistics ug ang Ho Tong Hardware init kaayong misugod sa ilang kampanya pagtuman sa ilang damgo pagsakmit sa titulo sa 2006 Forty Aces Multi-Purpose Cooperative Summer Basketball tournament kagahapon diha sa Visayan Glass gym sa Guadalupe.

Ang BJ Star misakmit sa ilang unang daog pinaagi sa paglubong sa JRE Tsunami sa iskor nga 91-72.

Dominado kaayo sa BJ Star ang lahugay ug gani ilang gilubong ang Tsunami og 19 puntos sa regulasyon.

Ang Ho Tong Hardware sa laing bahin, mangtas usab nga mikuniskunis sa Green Pol-Pals, 88-66 sa 40-above category.