Sa basketball, si Celso Colegado, Jr. sa Talisay maoy nahimong Most Valuable Player ug nalakip usab sa mythical five uban sa iyang teammate nga si John Lester Sunga, Mariano Canonigo III sa Minglanilla, Ruel Miranda sa San Fernando ug Clint Florido sa Carcar.
Si Rafael Rabaya Jr. sa Talisay team maoy gipiling best coach. Sa volleyball, ang Talisay adunay 18 ka awards sa men's ug women's division.
Sa men side, ang beteranong si Norvie Labuga nilabni sa MVP award diin siya ang nag-una sa mythical six uban nilang Norman Kong, Ralph Bacaltos, Benito Tapdasan Jr. sa Naga, John Gerald Amor sa Carcar ug Glen Oberes sa Minglanilla.
Si Kong napili usab isip best spiker, samtang si Alfred Daan maoy best libero, silang Ralph Bacaltos (best attacker), Tapdasan (best setter), Oberes (best server), Amor (best quicker), Alfred Bartolabac (best blocker) ug si Bon Vincent Estrera maoy Most Promising Player.
Sa pikas bahin, si Michelle Gimarino maoy nakakuha sa MVP title ug ingon best setter award. Uban niya sa mythical six mao sila si Rhea Mae Cabañero (best blocker), Florian Gutierrez (best attacker), Julia Ledesma (most promising player), Marie Kenneth Sinco (best spiker) ug Jasmin Canencia (best server).