Hangad ng Elasto Painters na masundan ang malaking panalo laban sa dating solo leader na Montaña Pawnshop sa tampok na laro sa alas-4:00 ng hapong engkuwentro sa Hapee-PCU.
Mauuna rito ay ang pakikipagharap ng Toyota Sparks laban sa Harbour Centre sa ganap na alas-2:00 ng hapon.
Kasama sa three-way tie sa pangkalahatang pamumuno ang Rain Or Shine at ang Toyota Otis gayundin ang walang larong Jewels sa kanilang magkakatulad na 6-2 win-loss-slate.
Gulpi-sarado ang Teethmasters laban sa Rain Or Shine sa kanilang unang pagkikita, 48-66 ngunit inaasahan ni Elasto Painters coach Leo Austria na magiging mahigpitang labanan.
Bagamat nanalo ang Sparks sa Port Masters sa first round, 76-74, ayaw din pakasiguro ni coach Louie Alas sa kanilang tsansa laban sa Harbour Center na determinadong makabangon mula sa 2-7 karta. (CVOchoa)