Gonzales bayani sa Diakon

Si Dong Gonzales maoy nahimong bayani sa Diakon tungod sa iyang mga crucial shots nga maoy naghatod sa iyang koponan ngadto sa 76-70 nga kadaugan batok sa Atan Guardo sa K Gallery basketball tournament sa miaging gabii didto sa Visayas Glass Gym sa Brgy. Guadalupe, ning syudad.

Ubos sa hiniusang pwersa nilang Gonzales ug Manigo nga nagkumboya og 17 puntos sa ikaduhang kuwarter, ang Diakon niputol sa ilang 14-24 nga alkansi aron pagtabla sa iskor 37-37, paghuman sa unang tunga.

Apan ang Atan Guardo nikumbati og maayo sa ikatulong kwarter aron pag-ilog og balik sa labaw apan ang Diakon nigamit sa ilang height advantage,aron pagpalayas sa Guardo.

Ang Atan Guardo napiangan gyod sa maong duwa tungod kay wala naman makaduwa ang ilang top gunner nga si Totong Villanueva sa ikaduhang hugna tungod sa right ankle injury human aksidenting nakatunob sa tiil sa Diakon's pointguard atol sa inilogay sa bola.

Puntos Matag-usa:

Diakon (76) - Gonzales 16, Manigo 16, Dela Rama 16, Sanchez 11, Ybañez 8, Arsua 6, Canjay 3, Tejam 1

Atan Guardo (70) - Torre 14, Limosnero 11, Gubaton 10, Villanueva 9, Villarosa 8, Labay 5, Canatan 4, Bravo 2