Nakopo ng 28-gulang na si Vildosola ang ginto sa men’s 800-meter run class T46 matapos itala ang bagong marka sa palaro na 2:09.18 minuto sa athletics competition na ginaganap sa Rizal memorial Track and Field stadium.
Tinalo ni Vildosola si Jamnong Muantawil ng Thailand na nagtala ng 2:10.45 na nagkasya la-mang sa silver at 2:13.27 ni Mow Chai Chong ng Malaysia para sa bronze.
Naunang nanalo ng ginto si Vildosola sa 1,500m run sa kanyang bilis na 4:27.94.
"Medyo nilalagnat pa ako bago ako tumakbo, pero pinilit ko talagang manalo kasi para sa bayan natin ito eh," wika ni Vildosola, naputulan ng kanang braso sa pag-sagip sa kanyang pinsan sa rice mill sa South Cotabato.
Naghatid din ng gold si Jerico Openia sa men’s shot put class F55 sa kan-yang naitalang 7.40-meter na tumalo kay Augusto Hernandez (7.14m) at Shari Haji Jumaat ng Bru-nei (6.88m).
Sumulong ang Team Philippines sa pitong golds, 13-silvers at 12-bronzes para sa ikapitong posisyon habang sinu-sulat ang balitang ito.
Patuloy naman sa pananalasa ang defen-ding overall champion na Thailand na mayroon nang 55 golds, 31 silver at 12 bronze medals kasunod ang Malaysia na may 32-17-7 gold-silver-bronze habang ang Vietnam ay mayroon na-mang 29-10-5. (CVO)