Sa pagkawala ng basket-ball na kinansela ng mga organizers, ang badminton ang siyang inaasahang kukuha ng atensiyon lalo pa’t nakaline-up sa listahan ng players ng Indonesia ang Olympic gold medalists na si Taufik Hidayat.
Babandera ang magka-patid na sina Kennivic at Kennie Asuncion kasama si Ian Piencenaves sa RP bad-minton squad sa pagsisimula ng men at women’s team event sa alas-6:00 ng umaga.
Makakasagupa ng men’s team ang Thailand habang ang women’s team naman ay sasabak kontra sa Indonesia.
Ang iba pang miyembro ng men’s team ay sina Rodel Bartolome, Wally Fernandez, Arolas Amahit, Jaime Junio, Mark Natividad at Lloyd Escoses habang kabilang naman sa women’s squad sina Paula Obanana, Irene Chiu at Vannesa Tanco.
Pitong golds ang nakataya sa badminton gayundin sa table tennis na magsisimula rin ngayon sa Ninoy Aquino Stadium sa alas-9:00 ng uma-ga para sa team competition.
Magsisimula rin ngayon ang baseball competition sa Rizal Memorial baseball ground. (CVOchoa)