"Ibang level na ‘to mas mabigat na ang labanan," sabi ni head coach Louie Alas sa kanyang Knights na hahamon sa nagdede-pensang Dolphins ng Philippine Christian Uni-versity para sa kampeo-nato ng 81st NCAA men’s basketball tournament. "Maski na tinalo namin sila twice in the eliminations, patas lang ang labanan."
Nakatakda ang Game-One ngayong alas-3:30 ng hapon matapos ang upakan ng defending ju-niors champion San Beda Red Cubs at San Sebas-tian Staglets sa ala-1:30 sa Araneta Coliseum.
Sa kabuuang 14 asig-natura sa eliminasyon, tanging ang Mapua la-mang ang nakapagpala-sap sa Letran, inihatid ni Alas sa korona noong 1998 at 2003, ng nag-iisa nitong kabiguan mula sa 66-71 pagyukod noong Agosto 24. Sa Final Four, tinalo ng No. 1 Knights ang No. 4 San Sebastian Stags, 93-60.
Samantalang binigo naman ng No. 2 Dolphins ang No. 3 Cardinals, 76-53, para ayusin ang ka-nilang best-of-three championship show-down.
Dalawang ulit tinalo ng Letran ang PCU sa eliminasyon, 70-64 at 63-59. Base sa nasabing resulta, lumalabas na underdog ang Dolphins ni mentor Junel Baculi. (Russel Cadayona)