Kahit sa PS2 Games mabenta si Pacquiao

First time na nangyari sa San Miguel Asian 9-Ball Billiards Tournament na walang Pinoy cue artist na nakapasok sa kampeonato.

Pero hindi nangangahulugan na laos na ang ating mga pambato na tulad nina Efren ‘Bata’ Reyes, Francisco ‘Django’ Bustamante at iba pa.

Ika nga kahit saang laro, bilog ang bola.

Kung maaga mang napatalsik si Reyes, marahil ay hindi niya panahon iyon, samantalang si Bustamante naman, tila walang suwerte ito sa naturang torneo dahil laging hindi ito nakakasama o umaabot sa finals ng Asian 9-Ball tour.

Hindi talaga para kay Django ang nabanggit na torneo.

Pero talagang ganyan, hindi naman laging panalo ka kahit na magaling ka pa. May karapatan din silang matalo ‘no.

Iisa lang ang tiyak, pagdako sa Manila leg uubusin nila ang mga dayuhang kalaban.

Di ba Efren?
* * *
May isang nag-email sa amin tungkol sa play station 2 games na ‘Fight Night Round 2’. Narito ang email niya:

PSN Sports,

Due to my usual hobby of playing PS2 games, I came to know that Manny Pacquiao is included in one of the characters on Fight Night Round 2 which is currently very "mabili" on all gaming stores.

Just hope you check-out the game since this is another feat for us Filipinos being included in one of the world’s best selling consoles.

Thanks,

Neil Allan Arboleda <neil.arboleda@philips.com>

Actually nabanggit na rin ito ng isang kasamahan ko sa trabaho na si Toto. Naikuwento niya na nakalaban ng anak niyang si Josh si Pacquiao -- at ito nga ay sa PS2.

Dito masusukat kung gaano kasikat si Pacquiao. Ang PS2 ay gawa sa Japan. Alam ng Hapones kung gaano kasikat si Pacquiao at maging ang kanilang laruan na PS2 ay alam nilang kinababaliwan ng marami, kaya marahil naisip nilang ibilang si Pacquiao sa isa sa mga character ng "Fight Night" na sa titulo pa lang ay alam mong umaatikabong bakbakan ang tema ng laro.

Alam nilang magiging mabenta ito. At hindi nga sila nagkamali dahil dito sa Pinas ay maraming naloloko sa PS2.

At dahil kasama si Pacquiao sa kanilang games tiyak na magiging mabenta din ang bala nilang ito dito sa atin.

At hindi nga sila nagkamali dahil click na click nga ito.

Pero may honorarium kaya si Pacquiao dito?

Nagtatanong lang po.

Show comments