Binura ng Harbour Center ang isang puntos na bentahe ng Letran Knights nang tanggapin nito ang pasa mula kay L.A. Tenorio at pakawalan ni Cardona ang tres bago tumunog ang final buzzer tungo sa kanilang ikala-wang panalo matapos ang tatlong laro.
Tumapos si Cardona ng 21-puntos at anim na rebounds na sinupor-tahan ni Jenkins Mesina ng 13 puntos upang ipala-sap sa Toyota-Letran ang ikalawang talo sa tatlong laro.
Samantala, higit na pinatatag ng PBL Open Championship titlists Montana Pawnshop ang kanilang kapit sa pangkalahatang pamumuno nang kanilang igupo ang Magnolia Ice Cream 64-55.
Nanatiling malinis ang katayuan ng Jewels ma-tapos itala ang kanilang ikatlong sunod na panalo sa gayong ding dami ng laro upang maging mata-tag sa liderato.
Umabante ng 17-puntos ang Jewels, 57-40, mahigit dalawang minuto na lamang ang nalalabing oras ng labanan upang maagang iparamdam sa Magnolia Wizards ang ikalawang kabiguan sa dalawang laro. (CVOchoa)