Pinabagsak ni Cruz ang 37 anyos na dating world bantamweight at featherweight champion na si Espinosa sa pama-magitan ng matinding left hook sa dulo ng first round at halos mangatog ang paa. Ito ang pahayag ni Andy Rivera na nasa ringside upang bigyan ng moral support ang dating Pinoy champ. Si Rivera ay ang anak ng unang manager ni Espinosa na si Hermie Rivera na gumiya sa kanya sa world bantamweight crown at palaging nagnanais na magretiro na ang kan-yang premyadong bata ngunit laging ipinapaliwa-nag ni Espinosa na kaila-ngan niyang lumaban para sa kanyang pamilya dahil hanggang sa kasa-lukuyan ay hindi pa niya natatanggap ang $150,000 premyo sa kanyang title defense kontra kay Carlos Rios sa Koronadal may ilang taon na ang nakakalipas.
Ayon sa ulat, halos hindi alam ni Espinosa ang kanyang puwesto makaraang makalasap ng bugbog at mabigyan na ng dalawang standing eight counts. May isang senaryo pa na halos ilig-tas na ng reperi si Espi-nosa sa paglipad papala-bas ng ring sa ikalawang round.
At sa ikatlong round, isang malutong na left hook ang pinakawalan ni Cruz na nagpabagsak kay Espinosa at matagal bago nakabangon.