Davao cagers sasali sa RP-Cebuana Lhuillier National Pool

Ang matangkad na si Samigue Eman ay muling inimbitahang bumalik sa Philippine team habang tatlo pang ibang promising local players ang bibigyan ng tsansang makilala sa pagkakasama sa RP-Cebuana Lhuillier "Tryouts ng Bayan" sa Almedras gym.

Ang 21 anyos at 6’9 na si Eman, naglaro sa John O sa PBL at naging bahagi ng national pool ay muling minamanmanan nina national coaches Dong Vergeire at Boyzie Zamar para tumulong sa nawasak na national team.

Tumanggap din ng imbitasyon sina Louie Medalla at Ede John Saldua, kakampi ni Eman sa University of Mindanao, at John Ric Lumbatan ng University of Southern Philippines.

Makakasama nila ang apat pang inimbitahan mula sa Cagayan de Oro City, kung saan ang kickoff leg ng two-month, city hopping tryouts na binuo ni Philippine team manager Jean Henri Lhuillier, EVP at GM ng Cebuana Lhuillier.