Pinayukod ni Valdez, 18-anyos at kasalukuyang WNCAA champion si Correa sa bisa ng 11-5, 11-6, 11-6 panalo sa women’s 20-under category, habang dinomina naman ni Ng ang girls’ 17-under class makaraang iposte ang 11-8, 11-6, 9-11, 11-7 panalo kontra Falcon sa pagsasara ng dalawang araw na qualifiers.
At sa tunggalian naman ng dalawang dating Palarong Pambansa champions, nanaig ang lakas ni Isaias Seronio ng UP sa tikas ni Johanne Remaneses nang kanya itong igupo sa iskor na 11-4, 7-11, 11-6, 11-9, habang pinatalsik naman ni Mark Jimenez si James Borleo ng PAF, 3-11, 11-7, 11-3, 11-7 upang umusad sa men’s 30-under category.
Ang iba pang nakasama sa susunod na round ay sina Michael Dalumpines at Jeff Randel Vinas, na nakalusot sa limang set na panalo kontra Kirby Colis, 11-8, 7-11, 10-12, 11-9, 11-6 at Darwin Esguerra ng PAF, 11-2, 9-11, 11-8, 50-11, ayon sa pagka-kasunod.
Ang iba pang umusad sa susunod na round ay sina Edward Ramos ng TATAP na nakaligtas kay Arnel Bautista ng Dagupan, 11-5, 11-7, 11-9 sa men’s 20-under class ng event na ito na sponsored ng top electronics firm LG, at idinaos ng img sa ilalim ng pangangasiwa ng TATAP.