Ateneo, La Salle kakapit ng mahigpit

Kapwa puntirya ng mahigpit na magkaribal na Ateneo de Manila University at De La Salle University na mapaganda ang kani-kanilang kampanya sa Final Four sa pagharap nila sa magka-ibang kalaban ngayon sa pagpapatuloy ng 66th men’s basketball tournament sa Araneta Coliseum.

Umaasa ang defending champion Blue Eagles na kasalukuyang katabla sa Liderato ang Far Eastern U Tamaraws sanhi ng magkawangis na 8-4 kartada na mapalawig ang kanilang winning streak sa siyam na laro upang tuluyan ng masolo ang liderato sa kanilang pagharap sa National University sa alas-2 ng hapon.

Sa kabilang dako, ibig naman ng Green Archers, na nagwagi ng apat na sunod na korona bago tinagpas ng Blue Eagles noong nakaraan taong Finals na makawala sa kanilang pagkakatanikala ng UE Warriors sa ikatlo hanggang ikaapat na puwesto sa kanilang nakatakdang engku-wentro ng University of the Philippines Maroons sa alas-4.

Taglay ng Green Archers ang 6-3 kartada habang ang State U ay mayroon lamang isang panalo matapos ang siyam na asignatura. (MR)