Movie at TV personalities sa Corporate at Celebrity Cup

Ipapamalas ng mga movie at television personalities ang kani-kanilang husay sa Corporate at Celebrity Cup Invitational Badminton tournament, ang kaibang badminton event ng Sportshouse na sisimulan sa Hulyo 14-20 sa Yellow Feather Badminton Center sa Libis at sa SM Megamall Atrium.

Nagpatala ng kanilang paglahok sina Dennis Padilla, Mandy Ochoa, Patrick dela Rosa, Ricky Davao, Tonton Gutierrez, Monching de Leon, Glydel Mercado, Ruby Rodriguez, Mariz Rickets, Marjorie Barreto, Jamie Rivera at Jana Victoria para sa Celebrity category ng tournament na ito na nakatakda sa July 20 sa Megamall.

Inaasahan ring lalahok sa nasabing event ang 11 corporate teams nina Randy Santiago, Diether Ocampo at Albert Martinez at Police Gen. Edgardo Aglipay, vice president ng Philippine Badminton Association.

Tampok sa Celebrity matches ang men’s at women’s doubles at mixed doubles.

Ang nasabing tournament ay idinaos kasabay ng pagdiri-wang ng Sportshouse ng kanilang ika-20th anibersaryo ngayong taon ay magpapa-raffle ng mahigit sa P.5 million prizes na kinabibilangan ng four-wheel, all-terrain motorbike, electric scooters at mountain bikes sa July 20 awards night sa Ratsky’s sa Tomas Morato.