Trenta’y dos na mahuhusay na pool players sa Asya ang lalahok sa naturang yugto kabilang na sina World Pool champions Efren ‘Bata’ Reyes at Chao Fong Pang, kasalukuyang world No. 3 Francisco Bustamante kasama din ang winner ng last leg sa Singapore na si World no. 7 Yang Ching-Shun.
Ang San Miguel Asian 9-Ball Tour ang tanging torneo sa Asya na nilalahukan ng mga manlalaro para makakuha ng qualifying points para makasali sa World Professional Pool Championships (WPPC) sa Cardiff, UK sa July.Ang top 10 players ng Tour ay direktang kuwalipikado sa WPPC, na tulad ng San Miguel Asian 9-Ball ay kokoberan ng Star Sports.
Ang Tour, na orihinal na magbibiyahe mula Singapore patungong Ho Chi Mihn, Hong Kong at Taipei at Manila ay kinanselang pansa-mantala dahil sa SARS outbreak sa Asya. Dahil sa nakansela ang tat-long orihinal na lugar, ay dinoble naman ang prize money at maging ang ranking points ay dinagdagan din.
At upang masiguro ang kalusugan ng mga partisipante at mano-nood sa torneo, ang ESPN Star Sports ay maglalagay ng precautionary medical measures sa Manila leg.
Ang San Miguel Asian 9-Ball Tour ay inorganisa ng ESPN Star Sports’ Event Management Group sa suporta ng San Miguel Beer.