Mabibigyan ng kasagutan ang tanong na ito sa pagtunog ng final buzzer ngayon sa winner-take-all match para sa titulo ng UAAP men’s basketball tournament.
Magsasagupa ang DLSU Green Archers at AdMU Blu Eagles para sa Game-Three ng kanilang titular showdown sa Araneta Coliseum na siguradong mapupuno ngayon para sa pang-alas-4:00 ng hapong giyera.
Bagamat nakauna ng Ateneo sa Game-One sa pamamagitan ng 72-70 panalo, naitabla naman ng La Salle ang best-of-three championship series sa 1-1 matapos ang impresibong 85-77 tagumpay noong Linggo na siyang nagpuwersa ng sudden-death match na ito.
"Ateneo is capable of bouncing back," pahayag ni La Salle coach Franz Pumaren na nag-hahangad maisukbit ang ikalimang sunod na titulo para sa La Salle.
Sa unang laro, sisikapin din ng Lady Archers na ma-sweep ang best-of-three serye laban sa Adamson Lady Falcons para sa titulo ng women’s division. (Ulat ni CVO)