PSC at FBGEA nagpirmahan na ng MOA

DAVAO CITY -- Pumirma si Philippine Sports Commission (PSC) Chairman Eric Buhain ng Memorandum of Agreement kahapon sa Filipino Banana Growers and Exporters Association, Inc. (FBGEA) bilang pagsuporta sa mga atletang bibiyahe sa Asian Games sa Villa Margarita dito.

"We welcome all the support that we can get for the benefit of our national athletes," pahayag ni Buhain."And the PSC would like to express its gratitude to the FBGEA, especially to its President, Rodolfo G. del Rosario Jr.

Sa ilalim ng nasabing kasunduan, magbibigay ang FBGEA ng 130 kahon ng sariwang saging upang makatulong sa nutritional requirements ng national athletes sa kanilang preparasyon para sa Busan Asian Games.

"Bananas are a rich source of potassium and fiber, and a daily diet capped with these fruits will indeed complete the sustenance of our athletes," dagdag naman ni Dr. Sanirose Orbeta, head ng Philippine Center for Sports Medicine (PCSM) Nutrition Department.

Sagot ng FBGEA ang pagdadala ng mga saging mula sa Davao City patungong PSC main venue sa Rizal Memorial Sports Complex ng lingguhan hanggang sa umalis ang national team sa Setyembre.