Phil. Open Darts Tourney sa Alabang

Magtitipon-tipon ang mga mahuhusay na darters ng bansa sa Gameworx Recreational Center sa Alabang, Muntinlupa upang ipakita ang kani-kanilang galing para sa national title ng 2001 Philippine Open Darts Championship na nakatakdang idaos sa Agosto 17-19.

Nakataya sa event na ito na unang ginanap noong 1992 ang kabuuang premyong P150,000. Pagkakalooban ang men’s singles event ng kabuuang insentibong P80,000, habang P20,000 naman para sa women’s single category.

Ang iba pang division sa tourney na ito ay ang non-rated o beginner’s doubles at open (fixed) doubles.

"We at the DCP are proud to stage this tournament to showcase once again the proficiency of the Filipino in the sport of darts," wika ni DCP president Atty. Andrew Arrieta, dating national player.

Ang mananalo sa singles event ng international tournament na ito ang mapapasama sa World Darting Federation’s ranking.