Mariano tinalo ni Mendoza sa 2001 National Age Group Chess Championship

Pinutol ni woman international Master Beverly Mendoza ang five-game winning streak ni Carmina Joy Mariano upang makisosyo sa pangunguna sa kanilang tig-limang puntos sa Girls U-20 category matapos ang round 6 ng 2001 National Age Group Chess Championships sa Mandaluyong City.

Tinalo ni Mendoza, incoming junior sa Araullo University, Cabanatuan, si Mariano hawak ang puting piyesa, 39-moves ng King’s Indian Defense-Saemisch Variation.

Nagblunder si Mariano sa kanyang ika-35th sulong na nagbigay daan sa 19-gulang na binibini mula sa Nueva Ecija na tapusin ang kanyang matagumpay na pag-atake sa kingside sa pa-mamagitan ng malakas na seventh rank rook.

"I’ts not yet a cause for celebration, since I expect to be pitted with my fellow Olympians in the succeeding rounds," paha-yag ni Mendoza na siyang pangunahing babaeng player (Elo 2162). "That will definitely be a tougher one, kung baga meron pa akong mga tinik na dadaanan."

Tinutukoy ni Mendoza ang kanyang kapwa Istanbul chessers na si WNMs Leah Bernardo at Christine Grace Espal-lardo na kasalukuyan pang naglalaro habang sinusulat ang artikulong ito.