Maagang ipinadama ng Regent ang kanilang determinasyon nang iwanan kaagad ng 14 puntos na kalamangan sa unang bahagi ng laro ang NU Bulldogs sa 24-10, pina-lobo ito sa 65-50 sa pagtatapos ng third canto.
Ngunit sinikap ng NU Bulldogs na makaahon mula sa kanilang pagkakalubog at nakalapit sila sa isang puntos na lamang, 77-76, 37.3 segundo ang nalalabi sa laro.
Pero di rin nagtagal ang kanilang pagsisikap, nang mabilis na humugot ng foul si Robert Sierra mula kay Jeff Napa dahilan upang tumuntong ito sa charity lane, patungong 15.7 segundo na lamang sa oras.
Kampanteng isinalpak ni Sierra na tumapos ng 18 puntos ang dalawang freethrows na naglagay sa Snack Experts sa matatag na katayuan.
Sa iba pang laro, naungusan ng Gringo-Konica ang mahigpit na hamong ibinigay ng Whiz Super Oil Treatment, 73-69. (Ulat ni Carol Fonceca)