PABA Christmas Clinic binuksan sa Laguna

May pinagkakaabalahan ang mga kabataan sa Laguna at ang mga kalapit bayan sa pagbubukas ng Philippine Amateur Baseball Association’s Bulilit Christmas Clinic noong December 16 sa Baker’s Field ng University of the Philippines-Los Baños.

Tinatayang may 150 kabataan na may edad na 6 hanggang 19-gulang ang kalahok sa camp na nasa ika-15 taon na matuto ng mga basics ng baseball mula sa mga miyembro ng Philab baseball team.

Ang programa na bahagi ng patuloy na kampanya ng PABA na paunlarin ang kabtaan ay libre.

Ayon kay PABA president Hector Navasero na siyang utak sa programang ito na ang camp ay naglalayong turuan ang mga kabataan ng fundamentals ng naturang sport bukod pa sa paglalayo sa mga ito sa mga ipinagbabawal na gamot.

Kabilang sa mga nagtuturo ay ang mga coaches at players ng Philab Team na sina Rodrigo Valencia, Edgar delos Reyes, Arnel Bertuso, Catalino Leron III, Edison Ticson, Manuel Saraza at Darius Moldez.

Ang naturag camp ay tatagal hanggang Enero 6, 2001kung saan ang mga kalahok ay inaasahang matututo ng pitching, catching, fielding, base-running at batting.

Show comments