Gumawa ng impresibong performance si Edilito Saygo ng humakot ito ng 39 puntos, 10 rebounds at tatlong assists upang ihatid ang Paint Experts sa kanilang solong pamumuno sa winners bracket.
Bumagsak naman ang Freight Masters sa 1-1 kartada.
Umiskor si Saygo ng 14 puntos sa final quarter upang manatiling hawak ng Paint Experts ang trangko ng laro sa kabila ng ibinabang matinding atake ng Freight Masters kung saan nagawa nilang ibaba ang 20 puntos na kalamangan sa kaagahan ng third quarter.
Isang jumper ni Estilitus Mendoza at triples ni Alexandro Magpayo ang muling nagbaba ng kala-mangan ng Paint Experts sa siyam na puntos na lamang, 59-68, may 1:24 ang nalalabi sa oras.
Ngunit sa sumunod na bahagi ng laro ay hindi na nakagawa pa ng oposisyon ang Mercury Freight matapos na ma-fouled-out si Magpayo na sinundan ng pagmintis ng jumper ni Jon Dan Salvador.
Nauna rito, iginupo naman ng Jose Rizal College ang Gringo-Barkadahan, 78-63.