Karong bulan sa Oktubre, bulan sa Santos nga Rosaryo. Ang Simbahan nagtudlo kanato nga mahinungdanon kaayo ang pag-ampo ingon man ang pagpamalandong sa Santos nga Rosaryo diha mismo sa atong kaugalingong mga panimalay. Gawas nga kini usa ka pag-ampo, kahimanan pud kini sa pamalandong sa mga mahinungdanong panghitabo sa kasaysayan sa atong kaluwasan diha mismo sa kinabuhi sa atong Ginoo. Diha sa atong pag-ampo, dili nato kini himoong usa ka mekanikal nga pagbungat lamang sa mga pangadyeon uban ang paspas nga kumpas,. Hinunoa, himoon natong modulot sa atong galamhan ang matag mensahe niini.