(Kandidato pagkamayor gipahubad sa binisaya ang iyang inglis nga diskurso)
Buloy: My brothers and sisters, I will promise before you I vowed not to cheat, I vowed not to lie and vowed not to steal.
Bitoy: Mga igsoon laki ug bayi, akong isaad sa dili pa mo……
Magduko ko manikas, magduko ko mamakak ug magduko ko kun mangawat (Toink!/Ayay!)
Hehehehehehehehehehehehehehe!
Mao nay giingon, Tua ra! (Aguy!)
Sa sunod buwan na ang pagpasaka og mga sirtipiko de kandidatora sa mga politiko nga magpapili sa piniliay sa sunod tuig. Apan alang sa mga nawad-an na og paglaom nga makabaton og ligdong, sinsero ug tinud-anay nga alagad sa katawhan ang haom nga termino “sertipiko de pangilad (Toink!).
(Mayor giduol sa iyang kaalyado)
Mengoy: Mayor Bitoy tinuod nga nakiglambigit imong asawa sa umaabot mayor sa lungsod?
Bitoy: Tinuod na Goy, nananghid na siya kay dili pa siya kadawat.
Menggoy: Unsay dili kadawat nga matapos na ang imong termino?
Bitoy: Dili ang ako kun dili ang iyang termino.
Mengoy: Termino pagka unsa?
Bitoy: Pagka first lady (Tua ra!/Toink!)
Hehehehehehehehehehehehehe!
Laing kahigayonan na sab sa mga mabuot nga mga botante pagpaminaw sa tam-is ug puno sa kadasig nga pasalig ug panumpa sa mga magpapili.
Mga linyang walay kalainan sa buak nga plaka, wala pa mahingpit ang ilang pagserbisyo, gusto pa mopadayon sa pagserbisyo ug dunay gustong mohalad sa ilang serbisyo. Apan kun makalingkod na sa pwesto mawala na ang SER ug ang mahibilin pulos na lang BISYO (Toink!/Aguy!).
Duna pa bay angayang bantayan ang mga botante aron dili malingla sa mga mangingilad?
Wala ang tubag, ang tanang matang sa panglingla, panglimbong, panikas ug pangilad naladlad na sa dugay nang panahon. Ang gikinahanglan dili na ang pagbantay sa mga manlimbongay kun dili konsensya na sa matag mabuot nga mga magbubuhis kun padayon bang magpatonto, magpainggaw, magpagamit sa mga politiko nga ang kaugalingong interes lang ang mahinungdanon.
(Dihay mga botante nanglibak sa ilang mga mayor)
Buloy: Bay among mayor “sayon ra duolon pero lisod kaayo pangitaon”.
Menggoy: Mas lisod ang amo “daling makit-an pero dili kasumbongan”.
Bitoy: Kalayo ra nang inyo sa among mayor.
Mengoy/Buloy: Mas grabi pa sa inyo Toy?
Bitoy: Mas grabi! Among mayor, sayon duolon, dili lisod pangitaon daling makit-an ug daling kasumbongan….
Menggoy/Buloy: Oh unsa may nakalisod ana?
Bitoy: Way mahimo kay tua na mag-opisina sa minteryo (Toink!/Asus!)
Hehehehehehehehehehehehehe!
(emailad:jomar_bellita@yahoo.com)