Kun ang lampara mao ang kahayag sa palibot, ang mata mao usab ang kahayag sa lawas sa tawo ug sa iyang kinabuhi mismo. Mahimong gamiton nimo ang imong mga mata sa pagtan-aw sa kalibutan ingon nga usa ka maayo o dautan nga reyalidad. Ang imong gigikanan nga desisyon (optimistic o pessimistic) ang makaapekto sa imong pamatasan ug taras nga makaapekto usab sa paagi nga ikaw makigrelasyon sa imong isigkaingon. Mosugot ka o sa dili ang imong personal nga disposisyon ang makatakud sa uban nga tungod niini, mamahimong imo silang mahatagan og inspirasyon o dili ba kaha depresyon gumikan sa imong gipakitang stimulus.
Ang kinabuhi ingon man ang kalidad niini ang wala mag-agad sa imong destino. Hinunoa, nag-agad kini sa imong pagpili. Kun pilion nimo ang kaayohan nan, mamahimong imong sistema ang paghunahuna ug paglihok alang sa kaayohan. Apan kun pilion nimo ang kadautan, nan, mahimong kabahin sa imong inadlaw-adlaw nga panlimbasog ang paghimo og dautan.