Samtang nagsud-ong si Julian sa iyang kapikas nga nakigbisog sa kamatayon daw gikumot ang iyang kasingkasing sa kalooy ug daw dili siya makaagwanta sa pagharong sa pagtutok sa iyang asawa nga daw nagmahay kaniya kay lagi wala man niya tagai sa iyang higayon ug namatay gyud kini ug diha pa niya naamgohan kung unsa diay kabililhon ang iyang asawa apan ulahi na nihalin naman kini nga kuno sa pagmahay.
Ang usa ka kinabuhi nga namugna, hinatag sa Diyos aron kitang tawo mapabati sa iyang gugma pinaagi kanila. Usahay ang atong mga hunahuna gitumong lang sa atong kaugalingon mithi sa kinabuhi. Gani kadaghanan kanato mohatag lang og pagtagad sa mga tawong ilang mapuslan apan kung ang maong nilalang wala nay kapuslanan isalindot na lang sa way paghunahuna sa iyang natampo sa dihang maayo ug himsog pa siya og mapuslanon pa.
Timan-i nga ang kinabuhi hamubo ra ug angay lang buhaton mao ang pagbati sa imong gugma, panahon ug kalipay sa mga tawong haduol kanimo kay ang kamatayon sa kalit moabot ug angay nga pangandaman.