Adunay mga magtiayon, ilabi na sa lalake, kanhi sa ilang kabatan-on, kaniadto nanghinubra ang kaaboso sa ilang kahigal o kahigwaos sa pakigseks. Kanunay lang magyampungad sa binayrang dinaliang pakighilawas. Dili pa matagbaw, way pa gyuy utas bisag mangapawot sigig masturbate hangtud naluyag maayo kay natupsan ang lawas permi sa mga sustansya diha sa sobrang init sa sex.
Ang imaginary o oral sex pinaagi sa maturbation nga nagtan-aw sa porno nga video o kaha actual nagtan-aw sa linawas nga nagsextanay o toro-toro sa mga ekslusibong mga pasundayag sa kagabhion, dili man makadaot apan makapawagtang kana sa gana o thrill sa sex. Unya mawa pod ang kinalamiang tagamtamon sa climax sa sex nga mao ang orgasm. Hangtud nga makigsex ka sa paris o misis mo, dili kana ganahan mora na la’g naglansang nga permi lang tawon mapiko. Busa aron mobalik ang gana mo, kaon og aphrodisiac foods.
Sa south Amerika, dunay nabaniog didto nga lagutmon nga susama sa singkamas nga lanlanon lang nga gitawag og MACA, nga may kompleto kini sa mga bitamina, minerales ug uban pa. Grabe sad ni mohatag og pampagana o lahutay sa arangkada sa sex ug ang babaye mahimong palaanak. Ang uban niani gisagol sa mga food supplement, busa basaha lang sa mga label niini.
Sa India, Tsina ug Italya dugay nang gihimong pampagana ang sud-an nga hinimo sa kinatawo ug itlog sa baka, labi nag toro haskang grabeha. Ang uban gihimong lansiao dinhi sa atoa, soup no. 5 sa intsek. Naa poy gisagol sa pizza sa Italya. Naa pa tay linarang bakasi. Ang paggamit sa artipisyal o kanang mga sintetikong aphrodisiac, makaapektar kana sa imong kahimsog.