Aduna nay pipila ka nutritioticals o buhatan sa food supplement ang nangangkat aning stevia sweetener gikan sa gawas sa atong nasod, nga gigamit sa ilang mga produkto. Duna na say nananom ani sa atoa.
Bisag gihigpitan kini sa atong gobyerno kaylagi basin mabangkaruta ang pamatigayon sa asukar nga gikan sa atong plantasyon sa katubhan, dugay nang nakasud ang stevia nga wa maalinggati. Hinoon karong bag-ohay lang, epektibo na karong Hunyo 2012, legal nang gitugotan kini sa atong nasod.
Tungod sa dakung panginahanglan sa stevia sa kahimsog sa panglawas, daghan nang misuway pag-eksperimento sa pagpanom ini. Anaay nananom sa ilang dagkung backyard. Naa say naghimo gyud og in-house farming, nga giprotektahan aron maseguro gyud mabuhi, kay galmonon man ning tanoma.
Wa kaayo masayri sa kadaghanan, ang ALDRITZ Corporation, tagbuhat sa mga produkto nga naa sa MYBEEWAY ug sa mga nabantog nang PAU ug TAHEEBO, pinaagi sa ilang AGROWIDE Corporation, aduna silay gipananom nga kinatam-isang klase sa stevia, nga may gilapdon kapin kun kulang sa 15,000 ka ektarya, gani may nakareserba pang mas dakong luna kun gikinahanglan ang kanhi nilang kayutaan o katubhan sa Negros.
Tingali sila ang maisip nato nga kinadak-an nga plantasyon sa stevia dinhi sa atong nasud. Angay tang malipay ani kay mas makamenus sa presyo, kun itandi nga adto pa mangangkat sa laing nasud. Busa angayang mananom sab ta ani sa atong mga tugkaran isip ornamental ug makapahimsog pa.