Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Gitugyan sa kadagkoan sa Bureau of Custom sa Sugbo kagahapon ngadto sa Bureau of Plant and Industry (BPI) sa dakbayan sa Mandaue ang mokabat sa `P1.2 milyon nga kantidad sa imported nga sibuyas bombay.
Ang maong imported nga sibuyas bombay nga gibanabanang mokabat sa P1.2 milyon nga kantidad nasakmnit sa mga sakop sa Bureau of Custom sa Sugbo niadtong Marso 10 niining tuiga nga gisulod sa container van nga gipanag-iya sa usa ka importer nga nagbase sa barangay Alang-Alang sa maong dakbayan.
Ang mga nakakita sa maong mga sibuyas bombay walay kalainan sa maong matang sa mga lamas nga gibaligya sa dagkong department store sa Sugbo ug silingan nga mga lugar.
Matud sa kadagkoan sa BOC sa Sugbo nga ang maong matang sa mga imported nga sibuyas bombay walay kalainan sa mga sibuyas bombay nga gibaligya sa mga dagkong department store o mga mall dinhi sa Sugbo.
Gitataw sa maong buhatan nga natigayon ang ilang pagsakmit sa mga imported nga sibuyas bombay dihang maoy ilang nadiskobrehan nga gibutang gayod sa manepesto nga maoy sulod sa container van niini.
Dinhi sa ato sa nasud wala gayoy dagkong plantasyon sa sibuyas bombay maoy hinungdan nga daghan karon ang nagtuo nga kon dili madakpan sa mga tinugyanan sa balaod ang ipalusot nga sibuyas bombay dinhi sa nasud dili na kini mailhan kun pinalusot ba kini gikan sa uban nga mga nasud.
Dugang pa sa taga BOC nga naglakip sa kalapasan nga nahimo sa magpapatigayon nga gikan sa dakbayan sa Mandaue mao ang kakulang sa inspection permit gikan sa Plant Quarantine and Service ug wala usab kini magbaton og Paytosanitary clearance gikan sa BPI nga maoy gitahasan sa pagsiguro sa maong tanom.