Usbon lang nako pagpahibawo ang himuong grand high school reunion sa Bantayan Southern Institute, sa isla sa Bantayan alumni nga graduates niadtong tuig 1992 nga himuon unya sa Abril 8 sa Bantayan cultural center diha gyod atubangan sa munisipyo sa lungsod. Akong gidapit ang akong ka-batch sa pag-apil ning maong kalihukan libre kini ug apil usab ang atong mga pamilya aron magkahimamat kita pag-usab human sa 20 ka tuig nato human sa atong high school graduations. Magsugod ang kalihukan sa alas 7 sa buntag ug tapuson kini sa alas 10 sa gabii libre ang kaon way limit, kitakits ta ha!
BRGY BAHAY, SIBONGA, CEBU
“Daghang salamat kaayo sir Jun sa inyong tabang namong mga mananagat diri sa among lungsod kay nahunong na gyod tawon ang baling ug libaliba nga maoy among naproblemahan sa mga nagtinarong pagpanagat.”
BRGY LUZ, CEBU CITY
“Palihog mig pa-imbestigar aning tanod diri sa among barangay kay yano ra man kaayong makadalag armas unya kun makainom ra ba kay manion og armas ug mangulata pa gyod bisag way igong rason.”
BRGY INAYAWAN, CEBU CITY
“Naunsa naman ning among barangay uy nga mismo tanod mao may makit-an namo nga mangisyu og masiao daghan kaayong makakita nga tawo sa illegal nga gihimo, unsa diay gihimo sa among kapitan?”
BRGY TALAMBAN, CEBU CITY
“Diri sa highway 77 daghang nahitabong tulis bisag udtong tutok binuhatan sa motorcycle in tandem makadaghan na gyud ni mahitabo pero ang mga polis diri sa Talamban wa may gihimong aksyon.”
BRGY TAYUD, CONSOLACION, CEBU
“Palihog lang ko’g tagad aning problema diri sa among lugar sir Jun uy kay wa man gihapoy kasulbaran ning problema sa shabu kay among mga tanod ug ubang opisyal sa barangay wa may gibuhat.”
BRGY STA. LUCIA, ASTURIAS, CEBU
“Patabang unta mi ning among tubig sa sitio Tunga kay duha na ka buwan nga wa gyu’y agas naglisod na intawon mi’g tubig nga mainom diri, hinaut nga mahatagan kinig aksyon.”
BRGY CABANGCALAN, MANDAUE CITY
“Grabe kaayo ang masiao diri sa among barangay maoy gikalingawan sa ubang way mga trabaho, ang among mga opisyal sa barangay ug mga polis wa may aksyon nagpakabuta bungol ra man.”
BRGY MEDIA ONCE, TOLEDO CITY
“Naunsa naman ning among kapitan diri sa among barangay nga halos naman naay toll fee ang tanang agianan o eskina labi nang padulong pandong bato kay naa gyu’y gibabag nga kawayan aron dili kaagi kun di kabayad.”
BRGY VITO, BARILI, CEBU
“Nagkagrabe naman ang fraternity diri sa among lugar daghan na mga batan-on nga naapil ani, maayo unta masolusyonan kini dayon arun dili pa mograbi ang problema sa mga batan-on.”
Alang sa inyong mga reklamo text lang sa 09071678643