Nagmaneho ako sa akong Nissan sa dihang dunay tawo nga sa kalit molabang unta sa dalan. Ang iyang gilantaw ang dalan diin ako naggikan. Maayo gani kay nakabantay ko, kun wala pa, sapol gyud ang tonto. Dugang na pud sa problema. Nasuko gyud ko kun dili pa lang ngil-ad, kaayo gyung ligsan na lang. Apan lagi, dili maayo. Salamat sa mga bata nga naghatag kanako og kadasig niadtong adlawa. Nawala ang akong kasuko.
Natural ug dili dautan ang masuko sanglit, kini man ang konkreto ug mas pwersado nga pagpakita sa atong pagsupak sa usa ka butang o panghitabo. Hinuon, angayan nato kining dumalahon ug dili lang tipigan. Ginhawa og lawom kun ikaw masuko. Ayaw padaog niini aron dili malubong ang imong kinabuhi.