Samtang nagkadugay ang pagdungog sa impeachment case ni Chief Justice Corona maoy namatikdan nga nagkadaghan usab ang mga tawo nga nakasinati og mga kahasol sa ilang kaugalingon.
Ang mga prosecutor sa impeachment case ni Corona daan na nga nakasinati og kahasol sa ilang paghan-ay sa mga article of impeachmet ni CJ Corona hangtod nga napirmahan sa 188 ka mga kongresista ug gidawat sa buhatan sa senado nga maoy magsilbing mga huwes.
Sa pagdawat sa mga senador sa impeachment case ni CJ Corona dinhi nagsugod na usab ang nasinati nilang mga kahasol tungod kay ila man kining basahon alang sa pagsugod sa ilang mga gimbuhaton sa pagdungog nga pagahimoon.
Mosamot pa ang masinati nga mga kahasol sa grupo sa mga prosecutor ug mga senador sa matag adlaw na nga impeachment trial nga pagahimoon ug mahiklin na lamang ang mga nag-una nilang gimbuhaton sa mga kongresista ug mga senador tungod kay masentro man ilang pagtagad sa matag adlaw nga impeachment trial nga gipahigayon.
Dugang nga nakasinati og kahasol sa matag adlaw nga pagdungog sa impeachment case ni CJ Corona ang mga tistigos nga ipatawag sa mga senator judge nga moatubang sa trial.
Ug sa ilang pag-atubang sa trial labing siguro nga mahiklin usab ang mga gimbuhaton sa ilang buhatan sama sa mga kongresista nga nagsilbing prosecutor ug mga senador nagsilbing mga maghuhukom.
Kun unsa ka taas sa panahon sa maong pagdungog sa impeachment case ni CJ Corona wala pay nasayod ug labaw na nga wala pa masayri ang mahimo unyang linugdangan niini.