Wala nay laing mga ngalan sa boksidor sa tibuok kalibutan nga mokita og dako nga salapi sa boxing kay sa mga ngalan ni Manny Pacquiao ug Floyd Mayweather Jr.
Gani ang duha gipaabot nga mobulsa og US$100 million ang matag usa kanila human unya sa ilang away. Giseguro gayod sa kampo ni Mayweather nga may rematch aron ila na sab nga maangkon ang dako nga kantidad isip premyo.
Aron gayod nga ma “miximize” sa mga promoters ang kuwarta sa mga mahigugmaon sa boxing kinahanglan nga ang resulta sa away tali ni Pacquiao ug Mayweather sikit gayod. Aron ang matag usa ka boksidor deserving gayod sa usa ka “rematch.”
Si Mayweather wala pay pildi. Apan, midaog lang siya pinaagi sa puntos. Mao kana nga si Manny Pacquiao mao lang gihapoy akong gituohan nga mas maayong laki pa ni Mayweather kay si Pacquiao usa ka explosive boxer sa laktod nga pagkasulti si Manny mas daghan pa og gipatikangkang nga boksidor kay ni Mayweather.
Wala kita masayod nga kun wala’y padag-on malagmit nga itabla gayod ang duwa. Ayaw og kalimot nga ang boxing negosyo.