Sama sa uban ako mituo sab nga ang kawad-on dili babag sa kalamposan. Apan ang kawad-on nagbilin gayod og mga lama sa kasakit alang niadtong mga mapangahason.
Pananglit, ang usa ka tinun-ang kabos wala kaayo’y kadasig sa pagtambong sa klase kaha tungod kay ang kan-on nga iyang gikaon kulang sa sustansya ug bitamina. Ang tinun-an nga kabos mangurog kun ang ilang mga magtutudlo maghisgot na og project kay maglisod man gani kini sa pagpa xerox.
Ang tinun-an nga kabos wala gayo’y bawot sa mga adunahan nga tinun-an kay makapalit man dayon sila sa ilang gusto nga paliton. Samtang ang kabos nga mga tinun-an dili makapalit og libro bisan pa og ipaagi kini og grupo. Pananglit unom sila nga magtabang og palit og libro. Apan, bisan pa sa ilang mga kukalangan sa kinabuhi ang tinun-ang mga kabos nga molahutay molampos gayod ug makakab-ot sa himaya nga ilang gipangita.
Sama sa atong mga bantogang mga political leaders karon nga kaniadto mga rabanit apan karon mga adunahan na. Angay nga hinumduman sa atong mga kabatan-onan karon ang nabantog na nga panultihon ni Henry Wadsworth Longfellow nga mipalanog “behind the dark clouds in the sky the sun is still shining”.