Sa Espanya “Que En Paz Descanse” ang minubo “QEPD”. Sa Alemanya “Ruhe in Frieden” ang minubo “RIF”. Sa Pransiya “Repose En Paix” ang minubo “REP.” Sa Italya “Riposi in pace” ang minubo “RIP”. Dinhi sa ato RIP sab apan kun mga palahubog maoy pahatagon og kahulogan “Redhorse Iyang Paborito”. (Toink!/Aguy!) Hubog! hehehehehehe.
Ang pulongan nga Rest in Peace nagpasabot og tinguha sa timgas nga kalinaw sa kalag nga mitaliwan. Pangandoy alang sa namatay nga makabaton og kahingpitan sa dayon sa iyang pagpahulay.
Kun mangutana ka kun diin kuhaa ang mga pulong, kinutlo ni sa Hebrew sa karaang tugon sa balaang kasulatan sa libro ni Isaias kapitulo 57 bersekolo 2 nga nagkanayon “Siya nagasulod sa pakigdait; sila nanagpahulay sa ilang mga higdaanan, ang tagsatagsa nga nagalakaw sa iyang pagkatul-id” nga sa bag-ong internasyonal nga bersyon sa ininglis pa "Those who walk uprightly enter peace; they find rest as they lie in death.”
Apan dunay pangutana uyon ka ba nga hatagan sa katungod pagbutang sa mga pulong nga imong ipapatik sa imong krus?
Matud pa sa akong suod nga kompare Pareng Enheniyero Ariel Araw-araw ang gusto niyang ibutang “AAK - Araw-araw Anaa Kaninyo.” (Toink!)
Kun ang akong certified nga klasmyt sa baso Yul Julia maoy pabut-on “ISR ang iyang gusto kon I Shall Return” (Aguy!) Hehehehehe tikas ning imo klasmyt da mubalik ka man gyud hehehehehe!
Kun taga LTO imong pangutan-on matud pa sa akong hilumon nga higala nga tagoon ta lang sa ngalang Ronald Lim, RIP gihapon pero pun-an lang og FC sa ato pa RIPFC kon Ronald In Process For Comeback.(Aguy!) hehehehehe labaw pang mobalik.(Toink!)
Wala na magliboglibog ang akong higalang abogado nga si Atty. Christopher Ruiz pabilin na lang siya sa RIP without motion for reconsideration.(Toink!) Hehehehehehehe!
Pero dihay lalaki nga nangita sa lubong sa iyang igsoon ang RIP maoy iyang gihimong timailhan.
Mano: Sigurado ka Pedro nga lubong ni sa imong igsoon?
Ramon: Sigurado ko Tiyo kang Ramon ni kay klaro man kaayo ning ilhanan.
Mano: Unsay ilhanan?
Ramon: Kini gud RIP.
Mano: Unsa may labot sa RIP aber?
Ramon: Ay sus nimo Tiyo kahinay gyud sa imong brain, RIP gani sa ato pa Ramon Igsoong Pedro.(Toink!/Iho) Hehehehehehehehehe!
Diha bitaw asawa mihangyo gyud nga dili RIP ipabutang sa krus sa iyang bana nga badlongon.
Senyang: Padre dili ang RIP akong ipabutang sa krus ha.
Pari: Unsa man diay imong ipabutang?
Senyang: MMM lang.
Pari: Unsa man nang MMM?
Senyang: Mayra Mayra Mayra.(Toink!/Ayay!) Hehehehehehehehehe!
Kun ako’y pangutan-on gusto ko kanang triling ang dating. Ang akong ipabutang HKS kon “Hala Kinsay Sunod” o di ba bongga!(Aguy!)
Hehehehehehehehe!
(emailad:jomar_bellita@yahoo.com)