Justice delayed, Justice Denied. Mao kini kasagaran ang atong madungog. Ug kining maong panultihon ang gihimong excuse sa kadaghanan aron himoon ang pagkumkom sa mga balaod sa ilang kaugalingong mga kamot. Apan anaa man ang proseso. Ang nakadaut lang kay bisan unsay giisip nga husto.
Si Jesus ang misugyot ning han-ay sa proseso aron mahimong masulbad ang bisan unsang matang sa panagbangi diha sa kaigsuonan sa katilingban. Ug kini ang naglangkob ning mosunod:
A. Ang Fraternal Correction diin gi-settle ang problema tali ni bisan kinsang hingtungdan.
B. Ang pagtawag og mga saksi nga maoy motabang pagpamatuod sa hitabo uban ang mga hingtungdan.
C. Ang Kinatibuk-ang katilingbang Simbahan nga maoy mohimo sa pag-isip sa hingtungdan nga sama sa usa ka pagano o kobrador sa buhis kun siya magdumili sa pakig-areglo. Sa ato pa, excommunicated siya ug dili na makatagamtam sa mga prebilihiyo.
Haom gyud nga sundon kining proseso kay dili mahitabo nga dunay shortcut sa hustisya ni dunay shortcut padulong sa kaluwasan. Anaa gyud ang hustong proseso.