Kini ang kasagarang litokon ni bisan kinsang lalaki o babaye kun maghisgot na gani og ideal man or woman. Kini usab ang kasagarang litokon ni bisan kinsa kun pangutan-on kun unsang matanga sa kinabuhi ang ilang gipangita.
Nindot ug malipayon ang kinabuhing simple o yano. Apan lagi kun magkatigulang na kita, atong gihimong komplikado ang bisan unsang simple ambot lang kun nganong ingon ini man gyud ang tawo. Sa pagpunay nato og pangandoy og mga dinagkong mga butang nga usahay lapas sa atong kapasidad, kita hinuon ang nag-antos. Ang kanhiay nga simple apan malipayong pagkinabuhi, nahulipan naman hinuon sa panaw sa pagbangotan.
Matarong ug haom nga pilion nimo ang tinud-anay nimong gikinahanglan ug dili ang mga butang nga bunga sa imong kapritso.
Matud nila: “Ayaw seryosoha ang imong kinabuhi ni ang mga panghitabo sa kinabuhi.” Pangitaa ang mga kalipay nga angayang saulogon bisan sa mga ginagmay’ng butang.
Husto gyud ang akong higala nga angayang tuohan ug tagamtamon ang spontaneity sa kinabuhi.