Tungod kay mora mag lisud gyud santaon ug pitolon ang corruption sa atong nasud, kay maayo nang pagkagamot sa atong kaugatan, gani, pong pa sa uban, nahimo nang tipik sa atong kultura, maoy hinungdan nga nangita kitag laing paagi pagsulbad sa suliran sa kawad-on.
Karon, dili na ang corruption maoy nakaingon sa atong kagutom ug kakabus, kondili, ang kadaghan sa atong mga anak. Mahimo nga magpadayon ang corruption, ato gihapong maangkon ang kaharuhay sa kinabuhi, kun molusot ang RH bill ni Noynoy. Sa ato pa, erase na ang pagya nga “Kung walang corrupt, walang mahirap,” ilisdan na sa “Kung walang anak, walang mahirap.”
Giingon nga ang usa sa dakung tinubdan sa corruption, mao ang pork barrel. Apan gumikan sa kahadlok nga masuko ang mga Senador ug mga Representante, inay wagtangon o kunhoran ang pork, giumintohan na hinoon. Unya, ang Truth Commission nga daghan unta’g mahimo pagpitol sa corruption, wala makaugpo, ug kalit lang nahanaw.
It seems nga dili na ang corruption maoy dahilan sa ating kahirapan, kundili, ang karami sa ating mga anak. Kailangan molusot ang RH Bill upang masulbad ang ating kagutom . Mao ba?
Sa iyang column sa Philippine Star, giulohan og “Teach kids how to have sex without pregnancy?” si Federico Pascual Jr, nagkanayon: “I am against it (RH Bill). The proposed law seeks to teach school children (and grownups) how to have sex without the girl getting pregnant - and orders the government to assist the partners in being able to do it well.”
Sa ato pa, tudloan ang mga bata (ug kitang mga tigulang) unsaon pagpakighilawas nga dili momabdos ang babaye. Unya, tudloan pa ta sa gobyerno unsaon nga mo-enjoy gihapon ta.
Gumikan kono sa kadaghan sa population, dili na paigo ang pagkaon. Maoy hinungdan nga daghang Pinoy ang gigutom. Pastilan, food production maoy suliran, dili population explosion. Mipadayon si Pascual: “While the goal appears to be population control, this misgoverned nation may just end up with uncontrolled copulation and its attendant ills, The bigger culprit for our sorry state is not the growing population, but a corrupt and clueless government”
RH Bill, anyone?